Wanneer Aardse en Hemelse Doelwitte Bots

Operasie Een Ding

 Nuusbrief 

Junie/Julie 2026

...

Hierdie maand se nuus in 'n neutedop

• Hierdie video het  die 1 miljoen besoeke-merk verbygesteek gedurende Junie 2026 -- aan die Here al die eer!  Maar ...
• Wanneer aardse en hemelse doelwitte bots -- die strop is besig om al nouer te trek: die rede waarom die aantal besoeke op ons uitreike daal.
• Eendingers het gedurende Junie die Evangelie gestuur na die mins-geëvangeliseerde wêreld na 103,200 kykers op YouTube, met 95,400 klikke na ons webblaaie ten spyte van groot struikelblokke en 'n beperkte begroting. Aan die Here al die eer!
• Waar bevind ons onsself op God se tydlyn vir die voltooiïng van Jesus se Groot Opdrag?
• Die geheim van 'n oorvloedige geestelike lewe en om 'n instrument in God se hand te wees.
• Die gebedskamer.
• So klim jy saam met Operasie Een Ding op die vlug na die uiteindes van die aarde.

Hierdie video het  die 1 miljoen besoeke-merk verbygesteek gedurende Junie 2026 -- aan die Here al die eer!     Maar ...

Terwyl ons dankbaar is dat die Here die deure vir hierdie video oopgemaak het na die mins-geëvangeliseerde wêreld gedurende die afgelope paar jaar, beperk YouTube nou toegang tot ons videos in baie nie-Christelike lande. 

Wanneer aardse en hemelse doelwitte bots -- die strop is besig om al nouer te trek: die rede waarom die aantal besoeke op ons uitreike daal.

YouTube beperk nou die promofering van ons videos na die mins-geëvangeliseerde wêreld. Veranderende reëls en regulasies maak dit al moeiliker om die nie-Christelike wêreld met die Evangelie te bereik deur die internet. 

YouTube het gedurende Junie die promofering van die video hierbo en ander videos na die lande van ons keuse gestop. Kunsmatige Intelligensie besluit deesdae watter videos na watter gehore gepromofeer mag word. YouTube se algoritmes wat deur Kunsmatige Intelligensie bestuur word, het klaarblyklik besluit dat sommige van ons videos nie meer geskik is vir die nie-Christelike wêreld soos deur ons geteiken nie. Terselfdertyd kos selfgeteikende promosies nou veel meer, wat daartoe lei dat ons veel minder mense bereik met dieselfde begroting. KI regeer -- en KI het nie 'n sendingvisie nie!

Google en YouTube is voortdurend besig om hulle algoritmes aan te pas om aan adverteerdes die 'beste moontlike resultate' op hulle promosieveldtogte te verskaf. Kunsmatige Intelligensie word ingespan om die adverteerder se teikenmark so akkuraat moontlik te identifiseer. 

Daar is egter een groot probleem! Hierdie besigheidsmodel is gebaseer op die aanname dat 'n adverteerder sy produk wil bekendstel aan potensiële kopers. Met ander woorde, die beste gehoor om te teiken is hulle wat jou produk sal wil 'koop'. Met ander woorde, die aanname word gemaak dat 'n adverteerder sy advertensie wil laat sien deur hulle wat dit graag wil sien.

Ons doelwit is egter anders. Ons doelwit is om ons advertensies te laat sien deur hulle wat dit nie wil of kan sien nie! Ons doelwit is om die Evangelie bekend te stel aan hulle wat dit nog nie gehoor het nie, en/of dit nie wil hoor nie -- insluitend hulle wat dit nie mag hoor nie omdat hulle in lande woon wat geslote is vir die Evangelie. Google en YouTube se KI algoritmes is toenemend besig om hierdie arbeidsvelde toe te sluit vir die Evangelie.

Ons moet dus die Here vertrou om voortdurend aan ons nuwe strategieë en metodes te gee om die Evangelie na die mins-geëvangeliseerde wêreld te stuur! Bid asseblief saam met ons dat die Here vir ons sal lei en die regte deure sal oopmaak.

Eendingers het gedurende Junie die Evangelie gestuur na die mins-geëvangeliseerde wêreld na 103,200 kykers op YouTube, met 95,400 klikke na ons webblaaie ten spyte van groot struikelblokke en 'n beperkte begroting. Aan die Here al die eer!

Hierdie video het 31,300 unieke besoekers gehad gedurende Junie. 

...

Hierdie video het 9,200 unieke besoekers gehad gedurende Junie. 

xxx

Hierdie video het 28,700 unieke besoekers gehad gedurende Junie. 

Hierdie video het 26,200 unieke besoekers gehad gedurende Junie. 

xxx

Hierdie webblad het 33,992 klikke geregistreer gedurende Junie.

Hierdie webblad het 57,675 klikke geregistreer gedurende Junie.

Waar bevind ons onsself op God se tydlyn vir die voltooiïng van die Groot Opdrag?

Is die Groot Opdrag moontlik reeds voltooi? Wanneer mens die statistieke hoor van die aantal mense in die wêreld wat volgens menslik oordeel nog die Evangelie moet hoor, klink dit of die Groot Opdrag nog baie ver van voltooid is. Maar is daar moontlik 'n ander prentjie? 

Daar word berig dat die Jesus-film, gedurende die drie dae van Paasnaweek 2026 alleen, 168 miljoen keer gesien is in 76 lande, in 40 verskillende tale. Die Jesus-film is reeds in 2,290 tale vertaal wat die moedertaal van tussen 90-94% van die wêreldbevolking verteenwoordig. Daar word beraam dat soveel as 99% van die wêreldbevolking die Jesus-film kan verstaan.

Lees bietjie die berig op die foto hiernaas. Die Bybel word versprei in 'n 'kapsule' om te verhoed dat owerhede wat die Christendom vyandiggesind is die verspreiding van die Bybel keer.

Daar word gesê dat na raming 66,000 mense per dag sterf wat nog nie die Evangelie gehoor het nie. Maar ons sal dalk verbaas wees om eendag in die hemel te hoor dat baie van hierdie mense wel toegang tot die Bybel of die Evangelie op een of ander manier gehad het. 

Dit is egter duidelik dat die doelwit dat elke persoon in die wêreld die Evangelie moet hoor, vanuit 'n menslike oogpunt 'n onbereikbare doelwit is. Sal die wêreld ooit 'n posisie bereik waar die Evangelie opsigtelik tot elke persoon se beskikking is? Dit bring ons by die vraag, op watter punt sal die Groot Opdrag 'voltooi' wees?

Dit is my beskeie mening dat ons op die punt in die geskiedenis van die Kerk is dat slegs 'n bonatuurlike werking van die Heilige Gees die onvoltooide sendingtaak kan voltooi --  en dit gebeur reeds. Ons hoor toenemend van berigte dat die Here Jesus Homself aan Moslems en andere regoor die wêreld op bonatuurlike maniere openbaar.

Wat is nou ons gevolgtrekking? Hierdie is die belangrikste teken dat ons onsself tans in die finale pylvak van die Kerkgeskiedenis en die Groot Opdrag-tydlyn bevind! Ons leef tans vlak voor die wederkoms van Jesus Christus! Maranata! Kom Here Jesus!

Wat is die geheim van 'n en oorwinnende en vrugbare geestelike lewe?

As jy belangstel om die antwoord op bogenoemde vraag te verstaan, lees gerus Dr Andrew Murray se boek, Algehele Oorgawe. Die boek kan gratis in Engels by die skakel op die foto afgelaai word.

Die Gebedskamer

Sal jy asseblief sommer nou saam met ons bid vir die volgende:

1. Dat die Here vir Operasie Een Ding die deure sal oopmaak en oop hou op YouTube om die Evangelie te stuur aan hulle wat nog moet hoor.
2. Dat die Heilige Gees harte sal oortuig van sonde en die reddende krag van Jesus Christus aan hulle sal openbaar.
3. Dat Operasie Een Ding maksimaal vrugbaar in Sy diens mag wees en dat die Here vir ons finansieel sal voorsien om ons roeping effektief te vervul.

Baie, baie dankie vir jou gebedsondersteuning!

Klim vandag saam met Operasie Een Ding op die 'vlug' na die uiteindes van die aarde

Belangrike skakels