Die Passie van die Evangelie dryf ons na die Uiteindes van die Wêreld

Operasie Een Ding

 Nuusbrief 

Feb/Mrt2026

...

Hierdie maand se nuus in 'n neutedop

• 'n Land wat geslote is vir digitale Evangelie-uitreiking word bereik met behulp van 'n musiekvideo.
• Ons doen verslag van die resultate op ons YouTube kanaal vanaf hierdie maand op 'n ander manier.
• Die lande met die grootste persentasie kykers van ons videos op YouTube.
• Die resultate van ons Evangelie video-uitreike op YouTube.
• Hoe lank nog voor die Bybel en die Evangelie tot elke volk, stam en taal se beskikking is?
• So klim jy saam met Operasie Een Ding op die vlug na die uiteindes van die aarde.

Verblydend -- 91% van die besoekers wat gedurende Februarie na hierdie video gekyk het is van 'n land wat gesluit is vir digitale Evangelie-uitreiking

Ons het hierdie afgelope maand 'n belangrike ontdekking gemaak. Dit is moontlik om sekere lande wat andersins ontoeganklik is vir digitale Evangelie-uitreiking, te bereik met behulp van musiekvideos. Die videos se tweede helfte bevat vier fundamentele vrae oor sekerheid van redding, wat die kyker lei na die skakel van 'n Evangelievideo op die endskerm. 

Ons het gedurende Februarie hierdie video gestuur na 10/40-venster lande met 'n piepklein begroting om die resultate te toets. 4,000 Persone het na die video gekyk. 'n Sekere land met die grootste aantal onbereikte groepe in die wêreld (vir sekuriteitsredes noem ons nie die naam nie), wat geheel en al gesluit is vir digitale Evangelie-uitreiking en normaalweg deur YouTube geblok word vir ons uitreike, was ingesluit in die teikengehoor. YouTube het egter nie ons video na hierdie land geblok nie, waarskynlik omdat dit as 'n musiekvideo geklassifiseer is. Tot ons verbasing het 86% van die besoeke op hierdie video vanaf hierdie geslote land gekom, ten spyte daarvan dat die video ook in ander lande gepromofeer was wat oop is vir die Evangelie. Prys die Here!

Ons kan ongelukkig nie tans hierdie kanaal na die ongeëvangeliseerde wêreld ontwikkel met ons huidige beperkte begroting nie. Ons vertrou die Here vir 1,000 Eendingers om meer geleenthede tot ons beskikking vrugbaar te kan benut.

Van hierdie maand af doen ons verslag van die aantal besoekers op ons YouTube kanaal op 'n ander manier -- ons wil nie statistieke jaag nie, ons wil unieke kykers bereik.

Ons het tot die slotsom gekom dat die kyke-statistiek wat deur YouTube verskaf word, nie ons primere fokus is nie. Die aantal 'kyke' wat 'n video ontvang is veel meer as die aantal 'unieke kykers' omrede YouTube se statistieke klaarblyklik elke keer as 'n kyker klik op 'n video, dit as 'n 'kyk' registreer -- al is die video reeds oop. Met ander woorde, wanneer 'n kyker 'n video halfpad stop en later weer op die video klik, word dit elke keer as 'n kyk geregistreer. Die aantal 'views' wat vertoon word onderaan 'n video op YouTube, is dus geen indikasie van die aantal unieke persone wat na die video gekyk het nie.

 YouTube verdedig hierdie hoë kyke-statistiek soos volg:

High views + relatively low unique viewers = your existing audience is very engaged and watches your stuff repeatedly. That's usually a positive signal, especially for channels with tutorial, music, or niche content.

 Die aantal 'unieke kykers' of persone wat ons bereik is egter vir ons die belangrike maatstaf en daarom gaan ons van nou af voorkeur aan hierdie resultaat gee. Ons wil nie hoë statistieke jaag nie, ons wil unieke kykers bereik. Unieke kykers is die statistiek waarop ons die koste bereken om een persoon met die Evangelie te bereik. Eendingers bereik tans een persoon met die Evangelie vir tussen R0.25 en R0.50. Verlede jaar was hierdie syfer, R0.26. Die nuutste syfer tot ons beskikking is R0.32 -- as gevolg van veranderings wat plaagevind het. 

Hierdie syfer word bereken deur ons totale maandelikse begroting te deel deur die 'unieke kykers' bereik. Die koste om een persoon met die Evangelie te bereik kan wissel van maand tot maand weens 'n verskeidenheid faktore, waarvan ons administratiewe koste, die fondse tot ons beskikking om vir promosies aan te wend, en die populariteit van sekere videos bo ander die belangrikste faktore is. Of dit nou 25c of 50c is, bly dit steeds verreweg die mees ekonomiese manier om die wêreld met die Evangelie te bereik!

Eendingers het gedurende Februarie 90,400 unieke persone met die Evangelie van Jesus Christus bereik in die wêreld

Is jy al 'n Eendinger? Nog nie? 

Besoek hierdie skakel om sien hoe jy met 'n R100 bydrae per maand gemiddeld 300 persone in die wêreld kan help bereik met die Evangelie elke maand.

Hierdie is die lande met die grootste persentasie kykers van ons videos op YouTube hierdie maand

Ons prys die Here vir die resultate van ons Evangelie video-uitreike op YouTube

Hierdie video behandel tien redes waarom die Bybel vertrou kan word as die Woord van God en eindig met 'n skakel na die video, 'Finding Purpose Of Life In A Broken World'. Die video het 34,800 unieke kyke ontvang gedurende Februarie. Die promosie het ook 'n skakel geplaas na die 'Help Me Find God' webblad hieronder. 

Daar was 25,266 klikke op die skakel na die 'Help Me Find God - Part 1' webblad gedurende Februarie.

Hierdie video beantwoord die vraag hierbo met die antwoord: "Omdat dit 'n Koninkryk is, waarvan Jesus Christus binnekort geopenbaar sal word as die Koning van die konings en die Here van die Heersers", en volg daarna met 'n aanbieding van die Evangelie. Die video het 28,000 unieke kyke ontvang gedurende Februarie. Die promosie het ook 'n skakel geplaas na die 'Help Me Find God - Part 2' webblad.

Daar was 24,693 klikke op die skakel na die 'Help Me Find God' webblad gedurende Februarie.

'The Secret Of God's Purpose - Part 1' is die eerste in 'n reeks van vyf videos wat die onderwerpe van wedergeboorte, heiligmaking en 'n oorwinnende Christelike lewe behandel. Deel 1 is die inleidende video, en skakel na die volgende dele op die endskerm. Hierdie video het 29,600 unieke kyke ontvang gedurende Februarie. Die promosie het ook 'n skakel geplaas na die 'Secret Of God's Purpose - Part 1' webblad hieronder, wat die onderwerpe in groter besonderhede behandel. 

xxx

 Daar was 24,704 klikke op die skakel na die 'Secret Of God's Purpose - Part 1' webblad gedurende Februarie.

Hoe lank nog voor die Bybel en die Evangelie tot elke volk, stam en taal se beskikking is?

Hieronder is 'n aanhaling uit Wycliffe Bybelvertalers se jongste nuusbrief. Besoek gerus hulle webblad by die skakel hierbo.

As of Jan. 1, there are fewer than 550 languages that still need Bible translation to begin for the first time. This is absolutely incredible, especially as we look back on the total global need in 1999 of approximately 4,500-5,000 remaining languages! Only God could make that kind of progress a reality, providing resources and partnerships with individuals, local churches and like-minded organizations to see this vision advanced.

Hierdie 550 tale verteenwoordig ongeveer 36,8 miljoen mense wat tussen 1% en 0,5% van die wêreld se bevolking uitmaak!

Die mikpunt is 2033!

Lees gerus meer oor Visie 2033 op Operasie Een Ding se webblad

Klim vandag saam met Operasie Een Ding op die vlug na die uiteindes van die aarde

Belangrike skakels