So bereik Operasie Een Ding die wêreld met die Evangelie gedurende April 2026

Operasie Een Ding

 Nuusbrief 

Apr/Mei 2026

...

Hierdie maand se nuus in 'n neutedop

• Die vierde sirkel van Handelinge 1:8.
• Ons het gedurende April 2026 die Evangelie gestuur na die onderstaande lande deur die vier videos hieronder en het gemiddeld 34,400 unieke persone deur elke video met die Evangelie bereik.
• Groei jou eie gemeente en bediening met behulp van ons Afrikaanse Evangelie uitreikprogram.
• Hoe elke Christen op sosiale media die Evangelie kan help uitdra na die uiteindes van die wêreld. 
• Het jy geweet?
• Die gebedskamer.
• So klim jy saam met Operasie Een Ding op die vlug na die uiteindes van die aarde.

Die vierde sirkel van Handelinge 1:8

Die vierde sirkel is die onvoltooide gedeelte van Jesus Christus se Groot Opdrag. Operasie Een Ding se doelwit is om die Kerk se fokus te plaas op die vierdie sirkel van die Groot Opdrag.

Hierdie is die kommentaar van F.B. Meyer rakende Handelinge 8:1-4 onder die hooffoto heelbo:

This persecution was overruled to scatter the Church, which had grown too prosperous and secure, and needed to be reminded of the Lord’s injunction to go into all the world and preach the gospel to every creature. The light must be diffused; the salt must be scattered. How often God has to drive us by trouble to do what we ought to have done gladly and spontaneously! It was impossible to keep the deacons to the office of serving tables. Philip must needs go to Samaria, and that city welcomed what Jerusalem had refused. Here we enter upon the second circle of Acts 1:8.
 

Eendingers het gedurende April die Evangelie gestuur na die mins-geëvangeliseerde wêreld deur die vier videos hieronder en het 137,600 besoeke ontvang, met 112,533 klikke na ons webblaaie

Hier is die skakels na die bogenoemde videos:

Ten Reasons Why You Can Trust The Bible As The Word Of God

Help Me Find God

The Secret Of God's Purpose - Part 1

Understanding God's Plan And Purpose In The Ages

Hier is die skakels na ons webblaaie:

Groei jou eie gemeente en bediening met behulp van ons Afrikaanse Evangelie uitreikprogram

So kan elke gemeente en individu 'n Afrikaanse digitale Evangelie uitreikprogram in jou eie omgewing bedryf:

1. Klik op die skakel van die digitale traktaatjie hierbo wat jy wil gebruik om uit te reik, en maak die webbladsy oop.
2. Deel die digitale traktaatjie met iemand op WhatsApp, of wie die Here op jou hart lê of oor jou pad stuur. Klik net op die WhatsApp knoppie onder die titel of kopiëer die skakel en plak dit in jou WhatsApp boodskap.
3. Knoop 'n gesprek aan met die persoon met wie jy die boodskap deel. Byvoorbeeld, vra hom of haar die volgende vraag: "Hallo (Koos), ek wil graag jou opinie hoor omtrent die artikel hierbo wat ek vir jou gestuur het. Wat dink jy van hierdie storie?"
4. As die persoon nie 'n getuienis van redding het nie, moedig die persoon aan om verder te lees. Stuur vir hom of haar een van die ander skakels aan in die 'Lees Meer' of 'Lees Dieper' kategorieë hieronder. (Maak die tuisblad oop by die skakel hieronder om toegang tot die ander skakels te verkry.)
5. As jy 'n EE3 of ander dissipelskap agtergrond het, kan jy die persoon verder help om sekerheid van redding te verkry en geestelik te groei.
6. Jy kan die digitale traktaatjies hierbo ook op Facebook en ander sosiale media deel. Nooi lesers om met jou kontak te maak as hulle vrae of hulp nodig het.

Let wel: Ons praat van 'digitale taktaatjies' om die doel en gebruik daarvan te verduidelik. Maar wat jou leser aanbetref is dit 'n 'artikel' of 'webbladsy' en nie 'n 'traktaatjie' nie -- om te verhoed dat dit in die 'asblik' beland.

Ons Afrikaanse Uitreikplatform

Hoe elke Christen op sosiale media die Evangelie kan help uitdra na die uiteindes van die wêreld 

Op hierdie webblad wys ons vir jou stap vir stap hoe jy self die Evangelie kan uitdra na die uiteindes van die wêreld op Facebook. As jy nie daarvoor kans sien om self betrokke te raak by sosiale media uitreiking  nie, sal ons dit namens jou doen. Met 'n R100 bydrae per maand sal ons 2,400 of meer persone per jaar namens jou bereik met die Evangelie.

Het jy geweet?

Islamitiese Jihadisme en terrorisme word gedryf deur Moslems se begeerte na hulle begrip van die hemel na die dood. Dit is waarom die Iranse Islamitiese regering nie bang is vir Donald Trump en die Amerikaanse aanslag op hulle lewens nie. As hulle sterf, sterf hulle as "Martyrs" wat wakker word in die "Paradys"...

Christene in Suid Afrika befonds Islam om hulle doel vir wêreldoorheersing te help verwesenlik! 

Ek kry op Google die volgende inligting: "The South African Halaal industry is estimated to be worth around R45 billion, driven by high certification levels in the local market." Ongeveer 60% van alle supermark produkte in Suid Afrika dra die Halaal-merk: "The broader Halaal market is substantial, with up to 60% of products on South African supermarket shelves being certified."

(Terloops, ek het my ondersoek op die Grok KI model begin met die volgende vraag: "How much income is generated in South Africa for Islam through inclusion of the Halal sign on food products; and to whom or which organization is this money paid?". Ek het die volgende antwoord ontvang: "Grok was unable to finish replying. Please try again later or use a different model." Ek het 'n paar keer weer probeer, maar telkens dieselfde antwoord ontvang. Met ander woorde, Grok was nie gewillig om my vraag te beantwoord nie! Dit laat mens wonder ...)

Sê nou maar net ....

Sê nou maar net .... belydende Christene landwyd kan so 'n visie en verlange na Jesus Christus se wederkoms en die Bybelse ewigheid verkry dat dit hulle lewensfokus word om die Groot Opdrag te help voltooi en die onbereikte wêreld met die Evangelie te help bereik! 

Sê nou maar net ....

Sê nou maar net .... Operasie Een Ding kan slegs 2,500 Christene in Suid Afrika mobiliseer om elke R100 per maand by te dra om die Evangelie die wêreld in te stuur -- dan kan ons 5 miljoen mense per maand, of 60 miljoen mense per jaar regoor die wêreld met die Evangelie van Jesus Christus bereik met behulp van digitale en sosiale media! 

Operasie Een Ding maak dit moontlik vir elke Christen om doelgerig en vrugbaar by die uiteindes van die aarde betrokke te wees! Elke Eendinger se maandelikse bydrae van R100 lei tans tot die bereiking van minstens 200 mense met die Evangelie per maand, of minstens 2,400 mense per jaar, in die mins-geëvangeliseerde wêreld!

Die Gebedskamer

Sal jy asseblief sommer nou saam met ons bid vir die volgende:

1. Bid vir elke besoeker op ons webblaaie en videos -- dat die Heilige Gees harte sal oortuig van sonde en die reddende krag en genade van Jesus Christus aan hulle sal openbaar.
2. Dat die Here vir Operasie Een Ding in Sy volmaakte wil, plan en doel vir ons roeping sal inlei sodat ons maksimaal vrugbaar in Sy diens mag wees.
3. Dat ons die Een Ding visie effektief sal kan oordra aan andere; dat kinders van die Here saam met ons op die 'vlug' na die eindes van die aarde sal 'klim'; en dat die Here vir ons die finansiële bronne sal oopsluit om al die geleenthede tot ons beskikking optimaal te kan benut.
4. Vir elke persoon wat op een of ander manier betrokke is by Operasie Een Ding se bediening – vir krag, genade en Goddelike leiding in ons taak.

Baie, baie dankie vir jou gebedsondersteuning!

Klim vandag saam met Operasie Een Ding op die 'vlug' na die uiteindes van die aarde

Belangrike skakels