Waarom is die Dooie See dood?

Projek KuberWêreld Nuusbrief 

Mei/Junie 2025

Hierdie maand se inhoud

• Verslag: 'n Vrugbare aanbieding van Projek KuberWêreld gedurende Mei.
• Kan ons die 3 miljoen besoeke merk op YouTube bereik gedurende die volgende jaar?
• Operasie Een Ding  -- Visie Drie Miljoen
• Projek KuberWêreld stuur die Evangelie na 27,537 persone in die mins-geëvangeliseerde wêreld op Facebook.
• Hoe om self gebruik te maak van Projek KuberWêreld se platforms om digitaal uit te reik met die Evangelie.
• Word 'n instrument in die hand van die Here om die Evangelie die Wêreld te help indra op sosiale media.
• Waarom is die Dooie See dood?

Ons dank die Here vir 'n vrugbare aanbieding van Projek KuberWêreld se bediening die 3de Mei

Ons het in verlede maand se nuusbrief aangekondig dat ons gaan begin met opleiding in digitale uitreiking en dat 'n Inleidende Aanbieding geskeduleer was vir 3 Mei. Ons is dankbaar teenoor die Here dat hierdie 'n baie vrugbare byeenkoms was en dat dit die begin was van 'n nuwe fase in Projek KuberWêreld se bediening waarvan u nog baie gaan hoor in die toekoms.

Operasie Een Ding

Kan ons die 3 miljoen besoeke merk op YouTube bereik gedurende die volgende jaar?

Projek KuberWêreld se YouTube kanaal het 1,849,113 besoeke ontvang gedurende die afgelope 27 maande, met die ondersteuning van ons finansiële en gebedsvriende. Ons kon egter geen promosies doen die afgelope twee maande nie weens 'n tekort aan finansies. 

Deur middel van digitale tegnologie en -media kan ons 'n wesenlike rol speel om hierdie EEN DING, naamlik, die hele wêreld met die Evangelie te help bereik. As elke persoon wat ons nuusbrief ontvang slegs R100 per maand sou bydra vir hierdie EEN DING, kan ons die 2 miljoen merk binne twee maande bereik -- en die 3 miljoen merk binne die volgende jaar. 

Wanneer ons volle begroting inkom, bereik ons een persoon met die Evangelie vir elke 15 sent tot ons beskikking. Dit beteken dat vir elke R100 bydrae ons meer as 600 persone met die Evangelie bereik deur middel van digitale media. Dink net watter rol jy kan speel in die bereiking van die wêreld met die Evangelie -- met 'n bydrae van slegs EEN R100! Sal jy saam met ons op die EEN DING vlug na die uiteindes van die wêreld klim?

xxx

Operasie Een Ding -- Visie Drie Miljoen

So kan jy meewerk om die Operasie Een Ding -- Visie Drie Miljoen te help bereik:

1. Deur gebedsondersteuning.
2. Deur self uit te reik op jou sosiale media.
3. Deur finansiële ondersteuning.

Sal jy biddend vir die Here vra watter rol jy moet speel? 

Sien onder vir bankbesonderhede.

Projek KuberWêreld bied opleiding in digitale uitreiking, Saterdag 7 Junie te Wonderboom, Pretoria - sien onder vir besonderhede.

Projek KuberWêreld stuur die Evangelie na 27,537 persone in die mins-geëvangeliseerde wêreld op Facebook

xxx

xxx

Leer hoe jy dieselfde kan doen. Sien onder.

Hoe kan ek self Internet Evangelisasiewerk doen? 

Hoe om self gebruik te maak van Projek KuberWêreld se platforms om digitaal uit te reik met die Evangelie.

Hierdie is die onderwerp van ons Vlak 1 Opleidingsprogram wat aangebied gaan word Saterdag 7 Junie, 09:00 tot 12:00 te Wonderboom, Pretoria. Hiermee nooi ons jou uit om hierdie opleidingsgeleentheid mee te maak. 

xxx

Word 'n Instrument in die Hand van die Here om die Evangelie die Wêreld te help indra op sosiale media

Gesoek: gemeentes, bedieninge en individue wat belangstel in digitale uitreiking.

• Vind uit hoe jou gemeente miljoene mense kan bereik met die Evangelie.
• Vind uit hoe julle bediening die arbeidsveld waartoe die Here julle geroep het kan help bereik deur digitale media.

Kontak Elmer Grobler op WhatsApp by 072-2022-744 vir meer besonderhede. 

Waarom is die Dooie See dood?

Daar is geen lewe in die Dooie See nie as gevolg van sy hoë soutinhoud. Die dooie see is die laagste (see)watermassa ter wêreld en die grondliggende rede waarom die Dooie See 'dood' is, is omdat hy geen uitlaat het nie.

Is dit toevallig dat die Dooie See in Israel geleë is? Ek glo nie. Dit is my beskeie mening dat die Dooie See daar deur God geplaas is om die kernboodskap van die Evangelie te verkondig -- selfs vir hulle wat nie 'n Bybel het, of dit wil lees nie! Die Dooie See verklap die geheim van geestelike lewe -- en geestelike dood. Die boodskap van die Dooi See is: Geen Uitlaat, Geen Lewe. Rom 1:18-20: "Want ... omdat wat van God geken kan word, in hulle openbaar is, want God het dit aan hulle geopenbaar. Want sy onsigbare dinge kan van die skepping van die wêreld af in sy werke verstaan en duidelik gesien word, ..."

Die Uitvloei-Invloei beginsel in die Bybel

Jy sal opmerk dat dit nie die Invloei-Uitvloei beginsel is nie, maar wel die Uitvloei-Invloei beginsel. Hierdie gedagte kan bes geïllustreer word deur die Dooie See in Israel. Die Dooie See het geen lewe in hom nie omdat sy soutinhoud te hoog is. Die rede daarvoor is dat hy geen uitlaat het nie. 

Ons vind hierdie waarheid ook op geestelike terrein regdeur die Bybel. Die Heilige Gees sal nie woning maak in die hart van iemand wat nie sy sonde bely nie. Dis eers uitlaat, dan inlaat. Daarom is bekering 'n onontbeerlike element van reddende geloof. (Ek weet dat sommige met my sal verskil met die 'geloof-alleen' argument. Maar die Uitvloei-Invloei beginsel doen geensins afbreek aan die 'geloof-alleen' waarheid nie -- dit onderskei slegs tussen 'positiewe denke' geloof en reddende geloof.)

Ons sien hierdie beginsel ook in Rom 10:9: "As jy met jou mond die Here Jesus bely en met jou hart glo dat God Hom uit die dode opgewek het, sal jy gered word; ..." Dit is 'n algemene feit dat 'n nuwe bekeerling eers die getuienis van die Heilige Gees ontvang nadat hy of sy 'n openbare belydenis van Jesus Christus se redding gemaak het. Eers die uitlaat, dan die inlaat. 

Hierdie beginsel geld ook vir geestelike groei. 'n Christen wat nie getuig en uitreik na ongereddes nie, gaan geestelik dood. Dit is ook een van die belangrikste redes waarom sommige kerke en gemeentes geestelik dood is! 'n Gemeente wat net vir homself bestaan, gaan dood. Die Uitvloei-Invloei beginsel kan ook duidelik gesien word in Jesus Christus se Groot Opdrag: "... maar julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judéa en Samaría en tot aan die uiterste van die aarde." Die teken dat die krag van die Heilige Gees in iemand se lewe werksaam is, is die 'uitvloei' van sy en haar getuienis na die wêreld. 
 

Liewe 'Christen', as jy nie 'n begeerte het om 'n getuie vir Jesus te wees en deur Hom as instrument gebruik te word om die Evangelie die wêreld te help indra nie -- is die 'soutinhoud' in jou lewe -- jou geestelike doodsheid -- so hoog dat jy vir God en Sy Koninkryk niks beteken nie!

Lees gerus ook die artikel, Wanneer Sal Herlewing Kom? by hierdie skakel.

Digitale sosiale media uitreiking is die eenvoudigste en mees effektiewe manier waarop elke Christen 'n lewende getuie vir Jesus Christus kan wees. Ons nooi jou hiermee uit na deelname aan Projek KuberWêreld se digitale uitreik opleidingsprogram. Sien hierbo vir besonderhede.

Klim saam met Projek KuberWêreld op die Operasie Een Ding vlug na die uiteindes van die aarde met behulp van digitale media

Belangrike skakels

Lees-meer skakels