Die Evangelie van Jesus Christus -- 

die enigste hoop vir die wêreld!

Projek KuberWêreld Nuusbrief 

Julie/Augustus 2025

Hierdie maand se inhoud

• Projek KuberWêreld stuur die Evangelie na 129,871 persone in die mins-geëvangeliseerde wêreld op Facebook.
• Die Operasie Een Ding visie is besig om te realiseer.
• Dit is weer binnekort Missions Expo tyd in Pretoria en Kaapstad.
• Die kragtigste en mees kontroversiële belofte in die Bybel vir 'n vrugbare geestelike lewe.
• So kan jy 'n instrument in die hand van die Here wees.

Projek KuberWêreld stuur die Evangelie na 129,871 persone in die mins-geëvangeliseerde wêreld op Facebook gedurende Junie

Die teikenveld was: 

Algerië, Afghanistan, Bangladesh, Bhutan, Ethiopië, Fillipyne, Indië, Indonesië, Morokko, Nigerië en Pakistan.

88,919 persone het die plasing gesien -- 1,137 persone het op een of ander wyse daarop gereageer

10,172 persone het die plasing gesien -- 3,328 persone het op een of ander wyse daarop gereageer

20,000 persone* (na raming) het die plasing gesien -- 1,054 persone het op een of ander wyse daarop gereageer

10,780 persone het die plasing gesien -- 389 persone het op een of ander wyse daarop gereageer

Die Operasie Een Ding visie is besig om te realiseer

Ons is tans besig met die produksie van bogenoemde video. As jy nuuskierig is om te weet wat hierdie Een Ding is, gaan loer solank op die webblad by die skakel op die foto.

Huidige Aktiwiteite

• Beplanning van die struktuur en organisasie van die Operasie Een Ding visie en Projek KuberWêreld met die oog op die EEN DING.
• Voorbereiding en beplanning om Projek KuberWêreld se digitale bronne tot beskikking van gemeentes en ander bedieninge te stel deur die Operasie Een Ding visie.
• Produksie van mobilisasie- en bekendstellingsbronne (videos en webblaaie) vir die Operasie Een Ding visie.
• 'n Digitale Uitreik Opleidingsprogram vir gemeentes en individue.
• Beplanning en produksie van nuwe digitale uitreikbronne en -programme.

Ons het in die verlede reeds baie oor die Operasie Een Ding visie gedeel, maar as u dalk wonder waaroor Operasie Een Ding presies gaan, sal ons in die nabye toekoms meer besonderhede bekendmaak.

Ons is absoluut afhanklik van u gebedsondersteuning. 

Bid asseblief saam met ons vir Goddelike krag en leiding op die pad vorentoe. Bid ook asseblief saam dat die Here vir ons nuwe finansiële bronne sal oopsluit om effektief te kan uitreik na die mins-geëvangeliseerde wêreld.

Dit is weer binnekort Missions Expo tyd in Pretoria en Kaapstad. Ons vertrou om jou daar te sien!

Besoek gerus die Missions Expo se Facebookblad en deel asseblief die skakel op u eie Facebookblad.

Hierdie is die skakel na die video op YouTube. Deel asseblief die video op u sosiale media.

Die kragtigste en mees kontroversiële belofte in die Bybel vir 'n vrugbare geestelike lewe

"Maar julle sal krag ontvang wanneer die Heilige Gees oor julle kom, en julle sal my getuies wees in Jerusalem sowel as in die hele Judéa en Samaría en tot aan die uiterste van die aarde." Han 1:8.

Handelinge 1:8 is die kragtigste belofte in die Bybel vir 'n vrugbare geestelike lewe, maar ook die mees kontroversiële -- vir die volgende redes: 

1. Dit beloof bonatuurlike geestelike krag. Het ons dit?
2. Dit impliseer geestelike vrugbaarheid wat slegs moontlik is deur die krag van die Heilige Gees. Getuig ons lewens hiervan?
3. Dit bevestig die Uitvloei-Invloei beginsel waaroor ons in die vorige nuusbrief gesels het. Verstaan ons dit?
4. Die belofte is vir elke kind van God en nie slegs vir sommige geroepenes nie. Glo ons dit? 

Indien wel, waarom is slegs 'n klein minderheid van Christene en gemeentes daadwerklik by die Groot Opdrag na die uiterste van die aarde betrokke? 

So kan jy 'n instrument in die hand van die Here wees

Dink jy dalk jy is nie bekwaam of gekwalifiseerd genoeg om deur die Here gebruik te word nie? 'n Artikel op Christianity Today met die titel, 'Dear Reluctant Evangelist: God doesn’t call the qualified', het weereens my aandag getrek. Lees dit gerus by die skakel hierbo.

Sukkel jy om die Evangelie met andere verbaal te deel? Ek ook! Ek is nie 'n goeie verbale kommunikeerder nie -- maar toe maak die Here vir my 'n ander deur oop -- digitale media. En sedert 2010 het Projek KuberWêreld die Evangelie met miljoene mense regoor die wêreld gedeel. Die Here kan hierdie deur ook vir jou, jou gemeente of bediening oopmaak. Het jy al jou plek in die span gevind?

Die Here wil jou gebruik! Is jy beskikbaar?

Ons is dankbaar teenoor die Here vir ongeveer 20 persone wat die opleidingsgeleentheid meegemaak het op 7 Junie: 'Hoe om die Evangelie die wêreld in te stuur op Facebook'. Indien jy nie kon bywoon nie, maar belangstel in die onderwerp, volg hierdie skakel. Ons het ook 'n vrugbare Videoproduksie opleidingsgeleentheid gehad die 23ste Junie.

Hieronder is 'n digitale traktaatjie in video-formaat wat jy die wêreld kan instuur op Facebook of enige ander sosiale media:

Klim saam met Projek KuberWêreld op die Operasie Een Ding vlug na die uiteindes van die aarde met behulp van digitale media

Belangrike skakels

Lees-meer skakels