Verligte Oë van die Verstand -- die Geheim van Ewigheidsvisie en -Perspektief

Projek KuberWêreld Nuusbrief 

Mrt/Apr 2025

Hierdie maand se inhoud

• Projek KuberWêreld fokus op dissipelskap-ondersteuning van Christene in die mins-geëvangeliseerde wêreld op YouTube gedurende Maart.
• Projek KuberWêreld stuur die Evangelie na die mins-geëvangeliseerde wêreld op Facebook
• Roep die Here jou om betrokkke te raak by digitale Evangelisasie en andere daarin te help oplei?
• Verligte oë van die verstand -- die geheim van Goddelike visie en perspektief.

Projek KuberWêreld fokus op dissipelskap-ondersteuning van Christene in die mins-geëvangeliseerde wêreld gedurende Maart

Gedurende Februarie het ons Deel 1,2 & 3 hieronder in ons reeks, The Secret Of God's Purpose - Parts 1-5, gebruik vir uitreike na die mins-geëvangeliseerde wêreld. Dele 1-3 fokus op die aanbieding van die Evangelie aan ongereddes. Gedurende Maart het ons Deel 1 sowel as Deel 4 en 5 gebruik vir uitreike aan dieselfde teikenvelde. Deel 4 en 5 se fokus is dissipelskap en is bedoel vir diegene wat reeds 'n getuienis van wedergeboorte het. Mens sou verwag dat die aantal kykers in hierdie kategorie van die bostaande teikenveld vir hierdie videos baie kleiner moet wees. Dit is egter verbasend hoeveel belangstelling daar is in die onderwerpe.

Hierdie video het 19,163 kyke ontvang gedurende Maart met ‘n totaal van 123,825.

Hierdie video het 11,128 kyke ontvang gedurende Februarie met ‘n totaal van 86,731.

Hierdie video het 29,237 kyke ontvang gedurende Februarie met ‘n totaal van 117,498.

Hierdie video het 19,750 kyke ontvang gedurende Maart met ‘n totaal van 50,530.

Hierdie video het 16,556 kyke ontvang gedurende Maart met ‘n totaal van 46,210.

Word 'n instrument in die Here se hand om die Evangelie die wêreld in te dra deur digitale media. 

Sien onder.

Projek KuberWêreld stuur die Evangelie na die mins-geëvangeliseerde wêreld op Facebook

Baie dankie aan Nita Orsmond en haar bediening, S.T.A.D., wat ons help met uitreike op Facebook op haar 10/40 Digital Outreach uitreikblad. Besoek gerus ook haar Facebookblad by hierdie skakel.

Aan die Here al ons dank en eer! Dankie ook aan elke gebeds- en finansiële ondersteuner en medewerker wat dit help moontlik maak. Volhard asseblief in gebed vir Projek KuberWêreld se bediening en bid ook dat die saad wat gesaai is in harte sal ontkiem en groei. 

Word 'n Instrument in die Hand van die Here om die Evangelie die Wêreld te help indra met behulp van digitale media

Gesoek: 

Persone wat deur die Here geroepe voel om betrokke te raak by digitale evangelisasie en om andere daarin te help oplei. 

Stel jy belang om meer oor die onderstaande onderwerpe te leer en andere daarin op te lei? Dan wil ek graag met jou kommunikeer. Alhoewel ondervinding van digitale media en tegnologie 'n pluspunt is, hoef jy nie 'n kundige te wees nie -- jy moet net gewillig wees om te leer: 

• Hoe enige kerk, gemeente, bediening, of individuele persoon, ‘n digitale Evangeliese bediening kan beoefen met fenominale resultate.
• Hoe om ‘n uitreikbladsy op jou Facebookprofiel te skep om jou teikengehoor met die Evangelie te bereik.
• Hoe om sosiale media te hefboom deur die gebruik van promosies om jou teikengehoor te bereik.
• Hoe om groepe op Facebook en WhatsApp te gebruik om jou teikenveld te bereik
• Hoe om Evangeliese bronne te gebruik op sosiale media en waar om dit te kry.
• Hoe om ‘n Evangeliese webblad te skep en gebruik om jou teikenveld te bereik.
• Hoe om Evangeliese videos te skep sonder ‘n kamera en sonder 'n mikrofoon -- wat duisende 'views' op YouTube genereer. 

As jy belangstel in hierdie onderwerpe dan wil ons graag met jou kommunikeer. WhatsApp my by hierdie nommer: 072-2022-744. 

Verligte oë van die verstand -- die geheim van Ewigheidsvisie en -perspektief

Die twee fotos hierbo is ‘n illustrasie van twee perspektiewe vanaf presies dieselfde punt. Die eerste foto is die visie vanaf die agterkant van die heining en die tweede vanaf die voorkant van die heining. Die eerste foto is die prentjie wat in die kamera se lens is wanneer die fokus op die heining ingestel is. Die tweede foto is die prentjie wat die kamera sien wanneer die lens deur die opening in die heining na buite fokus. Hierdie is 'n pragtige illustrasie van die verskil tussen 'n geheiligde en ongeheiligde verstand wat in Efesiërs 1:15-23 vir ons beskryf word. 

Soos reeds hierbo verduidelik, het ons gedurende Maart gefokus op dissipelskap-ondersteuning aan Christene wat in die mins-geëvangeliseerde wêreld woon. Die video, The Secret Of God's Purpose - Part 5, verduidelik die belangrikheid dat die Heilige Gees in beheer van elke terrein van 'n Christen se lewe -- gees, siel en liggaam -- wil, intellek en emosie -- moet kom. 

Visielose Christene

'n Ewigheidsvisielose Christen is 'n Christen wie se visie gefokus is op die heining. Die heining stel die grens voor tussen die aardse en ewige lewe. Vir solank iemand vaskyk teen die grens van sy aardse bestaan, sal hy of sy 'n gebrekkige ewigheidsvisie hê. Vir hierdie Christen draai die hele Christelike lewe rondom homself, sy eie gesin, gemeenskap, behoeftes, politiek en leefwêreld. Hy kan nie verder sien as die heining van eiebelang nie. Hierdie Christen het geen visie van God se groter plan vir die wêreld en die Kerk, die vervulling van die Groot Opdrag en Jesus Christus se wederkoms nie.

Die geheim om Goddelike visie te verkry is verligte oë van die verstand -- en die geheim van verligte oë van die verstand is 'n verstand (intellek, emosie en wil), wat ten volle onder die beheer van die Heilige Gees geplaas word. 

Klim saam met Projek KuberWêreld op die 'Bereik Die Wêreld' vlug na die uiteindes van die aarde met behulp van digitale media

Belangrike skakels

Lees-meer skakels