Projek KuberWêreld -- Apr/Mei 2024

Published: Tue, 04/30/24

Updated: Tue, 04/30/24

‘n Persoonlike Brief Van My Aan Jou

Projek KuberWêreld Nuusbrief -- April/Mei 2024

2 Kor 3:2,3: "Julle is ons brief, geskrywe in ons harte, geken en gelees deur alle mense; omdat julle duidelik ‘n brief van Christus is deur ons diens berei, geskrywe nie met ink nie, maar met die Gees van die lewende God; nie op kliptafels nie, maar op die vleestafels van die hart."

Die berig volg onder

Projek KuberWêreld

Bereik die Wêreld met die Evangelie deur die digitale media

'n Projek van

Scripture Educational Programs

Projek KuberWêreld se Afrikaanse bediening dra vrug op Google

Terwyl ons wag op die Here vir 'n vars inspuiting van fondse om te kan voortgaan met ons YouTube en Facebook Evangelie wêreld-uitreike, het die Here dit op my hart gelê om in hierdie nuusbrief bietjie meer inligting te verskaf oor ons Afrikaanse bediening en wat die doel daarvan is. As die Here vir Projek KuberWêreld geroep het om die mins-geëvangeliseerde wêreld met die Evangelie te help bereik, waarom het ons ook 'n Afrikaanse bediening?

Die doel van ons Afrikaanse bediening is:

Om Afrikaners wat nie deur die kerke bereik word nie, met die Evangelie te bereik deur digitale media.
Om ‘n digitale platform te skep vir andere om die Evangelie met hulle vriende en familie te deel.
Om ‘n platform te skep en Christene te mobiliseer om betrokke te raak by digitale uitreiking -- plaaslik, sowel as die uiteindes van die aarde.

Soos in vorige nuusbriewe gemeld, is ek besig met die voorbereiding van 'n digitale uitreik opleidingsprogram om Christene en gemeentes te help en te mobiliseer om betrokke te raak by die bereiking van die onbereikte wêreld deur digitale uitreiking. Hierdie projek vorder bietjie stadiger as wat ek gehoop het weens 'n vol agenda, maar intussen bestaan al die bronne reeds daar om digitaal te kan uitreik na Afrikaanssprekendes sowel as die uiteindes van die aarde.

Terwyl ons digitale vlerke na die Onbereikte Wêreld op YouTube en Facebook tans geknip is weens tekort aan fondse, vlieg ons Afrikaanse webblaaie na soekendes op Google

Ons Afrikaanse webblaaie het tot op datum 52,322 besoeke in totaal ontvang, waarvan 1,513 gedurende April aangeteken is. Alhoewel dit wissel, staan die aantal unieke besoekers op ongeveer 80% aangesien sommige besoekers meer as een webblad besoek. Eerste besoekers maak ongeveer 60% van die totaal uit. Dit beteken dat ongeveer 20% van alle besoekers weer terugkeer om meer te lees. Meeste eerste besoekers vind ons artikels en webblaaie op Google deur natuurlike soeke. Die grootste vreugde kom egter wanneer 'n nuwe persoon inteken op ons 'Groeigebedslys', wat beteken dit is iemand wat die Here Jesus Christus as Verlosser aangeneem het. Aan die Here al die eer!

Gaan kuier gerus bietjie op ons onderstaande webblaaie.

Hierdie is ons Afrikaanse Uitreikplatform

Hierdie is die opgawe van ons artikels oor Redding en Wedergeboorte

Hierdie is die opgawe van ons artikels oor Geestelike Groei

Skakels na artikels oor verskillende onderwerpe

Die titel en beskrywing van artikels word onderaan elke foto gegee

Nog artikels

Projek KuberWêreld Wêreld-Uitreikprogram

Opgawe van artikels oor Jesus Christus se Groot Opdrag

Engelse Bronnelys

‘n Persoonlike Brief Van My Aan Jou

Hierdie is een van die Afrikaanse uitreik artikels wat gereeld op Google gelees en baie effektief gebruik kan word om iemand naby aan jou met die Evangelie te bereik. Ek het dit geskryf vir iemand naby aan my wat ek met die Evangelie wou bereik, maar gou besef dat baie ander dit ewe doeltreffend kan gebruik. Deel gerus hierdie artikel met iemand wat die Here op jou hart lê. Hier volg die inleiding van die artikel:

Ek skryf hierdie brief aan jou persoonlik omdat ek jou ken. Jy is iemand naby aan my — iemand met wie ek gereeld kontak het. Jy is iemand vir wie ek omgee en wat ‘n spesiale plek in my lewe het. Ek noem nie jou naam nie maar wanneer jy hierdie brief lees, sal jy weet of ek met jou persoonlik praat.

Jy is ‘n spesiale iemand. Jy het soveel besondere gawes en talente. Ek verstom my wanneer ek hoor en sien wat jy alles werk en doen! Ek sien ook hoe jy omgee vir dié naby aan jou, maar ook vir andere. Ek het groot respek vir jou as mens en my verbintenis met jou is vir my baie spesiaal.
‍
Ek weet ook dat jy al deur moeilike tye in jou lewe gegaan het. Ek weet dat jy worstel in jou gedagtes met sekere gebeure en persone in jou verlede wat ‘n negatiewe impak op jou lewe gehad het. Ek weet ook dat jy somtyds emosionele pyn beleef en dat jy nie onbekend is met teleurstellings en onvervulde verwagtinge nie.

Daar is egter een ding omtrent jou wat ek nie weet nie — wat ek MOET weet! Help my asseblief! Omdat ek jou persoonlik ken, is daar ‘n diepe bekommernis in my hart omdat ek nie seker is of jy ‘n lewende verhouding met Jesus Christus het, en gered en gereed is vir die ewigheid as jy vandag sou sterf nie! Ek weet nie of jy dalk seker is nie — maar ek is nie seker of jy seker is nie! Sal jy my nie asseblief help om sekerheid te kry nie! Dit is vir my onuithoubaar om onseker te wees oor een van my familie of vriende se ewigheidsbestemming. Ek sal myself nooit kan vergewe as ek met Jesus Christus se wederkoms (wat, terloops, baie naby is) moet uitvind dat jy nie daar is nie — en ek het niks gedoen om jou te waarsku en op die regte pad te lei nie!

Volg die skakel hierbo om die res van die artikel te lees.

Klim saam met ons op die trein na die uiteindes van die aarde deur digitale media

Sal jy saam met ons op die trein klim na die uiteindes van die wêreld? Sal jy deur gebed, digitale uitreiking, mobilisering, of finansiële ondersteuning betrokke raak by hierdie groot visie? 'n Gereelde maandelikse bydrae van so min as R100, kan soveel as 1,700 mense per jaar met die Evangelie bereik. Klik op die foto vir ons bankbesonderhede.

Baie dankie

Baie dankie aan elkeen wat op een of ander manier vir Projek KuberWêreld help om die Evangelie uit te dra na al die nasies. Baie dankie aan elke medewerker wat betrokke is in gebedsondersteuning, finansiële ondersteuning, digitale uitreiking, of mobilisering. Mag die Here u ryklik seën!

Indien u of u gemeente ‘n bydrae wil maak, volg die skakel na ons bankbesonderhede.