Hoe kan elke gemeente en bediening die uiteindes van die aarde met die Evangelie help bereik? 

Die antwoord is kortweg, met behulp van digitale tegnologie en -media. Vir sommige klink dit egter na ‘n hekkie wat te hoog is om oor te spring en slegs bedoel is vir diegene met ‘n spesiale roeping en tegnologiese vaardighede. Gladnie so nie! Dit is eenvoudiger as wat meeste dink. 

Die Here het hierdie jaar vir my die taak gegee om ‘n opleidingsprogram te skep wat gemeentes, bedieninge en individue sal help om digitale tegnologie en -media in te span om die mins-geëvangeliseerde wêreld te help bereik met die Evangelie. Ek vertel meer hieronder.

Verlede jaar hierdie tyd was die vooruitsig om Evangelie-videos die wêreld in te stuur slegs 'n droom wat in die 'stoorkamer' van my hart toegesluit was vir iemand met meer vaardighede en gawes as ek. Min het ek geweet dat die Here hierdie 'droom' op 74-jarige ouderdom in my lewe tot vervulling sou bring. 

Dit is met innige nederigheid en dankbaarheid teenoor die Here dat ek kan berig dat ons YouTube-kanaal die 800,000 besoeke merk verbygesteek het sedert ek tien maande gelede die eerste video op YouTube gepubliseer het. Daarbenewens het ons ook honderde duisende persone bereik met die Evangelie op Facebook en Google deur advertensies, in samewerking met ons medewerkers. Die afgelope twaalf jaar het ons miljoene mense regoor die wêreld, met ‘n fokus op die 10/40-venster lande, met die Evangelie van Jesus Chistus bereik deur digitale media.

Ons kon dit natuurlik slegs regkry met die hulp van ons gebeds- en finansiële ondersteuners wat ons instaat gestel het om digitale media te hefboom deur betaalde advertensies. Aan die Here al die eer! 

Ons reik uit na die mins-geëvangeliseerde wêreld deur Facebook 

Gedurende Desember en Januarie het ons ‘n totaal van 110,434 persone bereik deur betaalde advertensies op Facebook, terwyl 1,340 persone ons uitreikwebblad deur die Google advertensieprogram besoek het, waarvan 'n aantal deurgeklik het na die sondaarsgebed.

Ek is dankbaar om saam met Nita Orsmond en S.T.A.D. Bediening te kan werk om die Evangelie na die mins-geëvangeliseerde wêreld te stuur deur Facebook. Hieronder is ‘n skermgreep van een van die poste op haar bediening se Facebookblad. Die skermgreep skakel na haar Facebookblad. 

Bid asseblief ook vir Nita, haar bediening en gesondheid. 

xxx

xxx

Dink net wat kan gebeur as ons gemeentes en bedieninge regoor die wereld kan mobiliseer en toerus om dieselfde te doen!

‘n Digitale Evangelie Uitreik Opleidingsprogram – vir gemeentes, bedieninge en individue

Soos hierbo genoem, het die Here my gelei om hierdie jaar te fokus op die produksie van ‘n opleidingsprogram, getiteld, Digital Gospel Outreach Training Program – For Congregations, Ministries and Individuals. Ek beplan om die volgende onderwerpe te dek:

• Why Every Church And Congregation Should Have A Digital Gospel Outreach Ministry To The Least-evangelized World
• How Every Church And Congregation Can Have A Digital Gospel Outreach Ministry To The Least-evangelized World
• Elements Of A Digital Gospel Outreach Ministry To The Least-evangelized
• How To Use Your Computer, Laptop and Mobile Phone To Reach the Least-evangelized
• Where To Find Gospel And Bible Outreach Resources For Reaching Out To The Least-evangelized
• How To Create An Outreach Page On Your Facebook Profile To Reach The Least-evangelized
• How To Leverage Social Media Through The Use Of Paid Advertising To Reach The Least-evangelized
• How To Use Groups On Facebook (And Other) Social Media To Reach The Least-evangelized
• How To Use Groups on WhatsApp (And Other) Messaging Apps To Reach The Least-evangelized
• How To Create A Website And Webpage(s) For Reaching Out To The Least-evangelized
• How To Create Gospel Outreach Videos For Reaching The Least-evangelized

Liewe vriende, ek het julle gebedsondersteuning nodig om hierdie opdrag te kan uitvoer. Ek het nooit gedink dat ek ooit so ‘n projek op hierdie stadium van my lewe sou aanpak nie. Ek het nog altyd geglo dat die Here andere wat jonger en meer bekwaam as ek is daarvoor sal roep. 

My grootste behoefte is aan die Here se hulp, krag en leiding, en die inspirasie van die Heilige Gees. Daarvoor het ek jou gebedsondersteuning dringend nodig. Dit is vir my ‘n groot uitdaging, maar ek sal in geloof vorentoe gaan! Ek het nog altyd ervaar dat die Here my eers bekragtig vir 'n taak nadat ek myself daarvoor beskikbaar gestel het. Wat my dryf is wat ek hierbo gesê het:

Dink net wat kan gebeur as ons gemeentes, bedieninge en individue regoor die wêreld kan mobiliseer en toerus om deur digitale media die uiteindes van die aarde met die Evangelie te help bereik. 

Droom saam met my!

Klim saam met ons op die trein na die uiteindes van die aarde deur digitale media

Sal jy saam met ons op die trein klim na die uiteindes van die wêreld? Sal jy deur gebed, digitale uitreiking, mobilisering, of finansiële ondersteuning betrokke raak by hierdie groot visie? 'n Gereelde maandelikse bydrae van so min as R100, kan soveel as 1,700 mense per jaar met die Evangelie bereik. Klik op die foto vir ons bankbesonderhede.

Baie dankie

Belangrike skakels

Lees-meer skakels