Wêreld Evangelisasie – Stert of Kop? 

Projek KuberWêreld Nuusbrief -- Maart/April 2024

“Wat is die belangrikste werk in die wêreld?”

Ek onthou dat ek as ‘n tiener seun op ‘n dag vir my pa hierdie vraag gevra het. My pa se antwoord het egter eers twintig jaar later vir my sin gemaak nadat die Here my by ‘n plek van algehele oorgawe gebring het en my tot voltydse sendingdiens geroep het. My pa se antwoord twintig jaar tevore was: “Om die Evangelie te verkondig.” Op 38-jarige ouderdom, na ‘n loopbaan in bemarkingsbestuur van ongeveer vyftien jaar, het ek ontdek dat my pa reg was. 

Ek het tot die persoonlike oortuiging gekom dat die Evangelie van Jesus Christus die fundamentele antwoord bevat vir elke mens se soeke na doel – en dat God ‘n heerlike doel en plan het met elke individuele kind van die Here sowel as die Kerk in geheel. 

Nou, op bykans 75-jarige ouderdom worstel ek weer met dieselfde vraag, naamlik, wat is die belangrikste werk in die wêreld? Nie omdat ek ‘n probleem het met my pa se antwoord nie, maar omdat ek worstel met die gebrek aan insig en verbintenis in die breë Kerk ten opsigte van my pa se antwoord. Waarom beskou die Kerk (met uitsonderings) nie die verkondiging van die Evangelie as die belangrikste werk van die Kerk nie?

'Wêreld Evangelisasie – Stert of Kop?' -- die boodskap wat die klem van my bediening verander het

Vervolg onder ...

Die Evangelie se digitale vlerke op ons YouTube en Facebook platforms is geknip weens gebrek aan fondse

Baie dankie aan ons gebeds- en finansiële ondersteuners wat dit hierdie afgelope jaar vir ons moontlik gemaak het om die digitale media te hefboom met betaalde advertensies en gebed. Ons YouTube-kanaal het tans 937,279 besoeke gehad. Aan die Here al die eer! 

Ons moes ongelukkig ons uitreike op YouTube en Facebook hierdie maand kortknip weens 'n gebrek aan fondse. 

'Wêreld Evangelisasie – Stert of Kop?' het die klem van my bediening verander

Ek gaan van nou af 'n groter klem daarop plaas om 'n visie vir die onbereikte wêreld aan Christene internasionaal oor te dra. Sendingbedieninge, waaronder Projek KuberWêreld, kan nie die taak van wêreld evangelisasie effektief uitvoer sonder die toegewyde ondersteuning van die Kerk van Jesus Christus in die breë nie.  

Hierdie is Projek KuberWêreld se nuwe bekendstellingsvideo wat so pas gepubliseer is op YouTube. Sal jy asseblief daarna kyk -- dit is slegs 5 minute lank! Help ons ook asseblief om dit op sosiale media te versprei. 

(Dit is in Engels omdat dit vir 'n internasionale gehoor bestem is, maar lees gerus die onderskrifte in Afrikaans.}

Soos in voorheen gemeld, is ek besig met ‘n 'Digital Gospel Outreach Training Program' met die primêre doel om die Kerk te help om die mins-geëvangeliseerde wêreld met die Evangelie te help bereik deur digitale uitreiking. Die boodskap, 'Wêreld Evangelisasie – Stert of Kop?' (vervolg hieronder) het egter die klem van die inhoud verander.

Die derde aanbieding in hierdie program was getiteld, 'Why Every Church And Congregation Should Have A Digital Gospel Outreach Ministry To The Least-evangelized World'. Ek het hierdie onderwerp nou bevorder tot die hooftema van my program. Totdat ons daarin geslaag het om hierdie boodskap oorgedra te kry, sal digitale opleiding van min waarde wees. Ek gaan dus vir die volgende afsienbare tyd, in afhanklikheid van die Heilige Gees se leiding, myself toewy aan hierdie onderwerp en hieroor skryf op die internet.

As daar van julle is wat belangstel in digitale opleiding, beveel ek aan dat jy hierdie program aanskaf op Udemy: The Complete Digital Marketing Guide - 24 Courses in 1. Aangesien al hierdie inligting reeds beskikbaar is, gaan ek dit nie in my program herhaal nie. Gaan kyk ook gerus na die Projek KuberWêreld Wêreld-Uitreikprogram webblad vir 'n bondige verduideliking hoe om op Facebook uit te reik.

Vervolg vanaf bo ...

Die boodskap wat die klem van my bediening verander het -- 'Wêreld Evangelisasie – Stert of Kop?'

Nadat ek vir die afgelope dertien jaar grootliks onsuksesvol worstel om die visie van wêreld evangelisasie oor te dra, het ek onlangs ‘n radikale ontdekking gemaak. Ek het ontdek dat die Kerk in die breë dink, ek (en die visie van wêreld evangelisasie), is soos ‘n hond wat sy stert jaag, maar dat ek (en die visie van wêreld evangelisasie) eintlik die stert is wat die hond jaag! 

Wat aanleiding gegee het tot hierdie ontdekking was die onderstaande WhatsApp boodskap wat ek die afgelope maand raakgelees het. 

"In order to fulfill the command Jesus left us, the church cannot reduce its task to world evangelization. When we do, we produce strategies aimed at a diminished task. Furthermore, if subsequent missions mottos urge us to accomplish Jesus' promise while neglecting his command, we'll be working against the very way Jesus intended world evangelization to be completed: by making disciples.

The Great Commission tells us that the irreducible task of missions is making disciple-making disciples who are baptized into church-planting churches who go throughout the whole world teaching obedience to all that Jesus commanded. This may not make for a quippy motto, but we shouldn't be alarmed that our role in God's purposes can't fit in a tweet or on a bumper sticker. So let's not allow the tail of our missions mottos to wag the dog of our missions mandate. Rather than aiming to "finish" the missionary task, let's unite under the more modest banner of simply being faithful to the task." 

Hierdie boodskap is ‘n samevatting van die onderwerp wat op ‘n video (en waarskynlik ook in ander media en boeke) bespreek is. Wat egter ontstellend is omtrent hierdie boodskap is dat dit vanuit 'n gerespekteerde bron en universiteit in die VSA afkomstig is wat leraars in sendingwetenskap oplei. Omdat ek verdeeldheid ten alle koste wil vermy, gaan ek nie die outeur van die boodskap bekend maak nie. Dit is egter van kardinale belang om die waarheid van hierdie boodskap in die lig van die Woord te beoordeel en ek het 'n artikel hieroor geskryf wat jy by die skakel hieronder kan lees. Die volgende paragraaf bevat die inleiding tot die artikel.

'n Beker koue water ...

Toe ek hierdie boodskap lees, was dit soos iemand wat ‘n beker koue water oor my uitgooi. Dit het vir my gevoel of my hele bediening ‘n mors van tyd is. Nou verstaan ek waarom ek vir die afgelope dertien jaar grootliks onsuksesvol worstel om die visie van wêreld evangelisasie aan die Kerk oor te dra – omdat (die grootste deel van) die Kerk waarskynlik glo dat wêreld evangelisasie ‘n verkleinde taak is en iets anders is as die maak van dissipels – dat die doelwit om Jesus se Groot Opdrag te vervul of te voltooi ‘n verwaarlosing daarvan is en dat die maak van dissipels iets anders is – dat die doelwit om die hele wêreld met die Evangelie te bereik die stert is wat die kop jaag. Nou verstaan ek vir die eerste keer waarom Christen-nasionalisme so ‘n groot rol in die Kerk (wêreld-wyd) speel.

'n "Quippy motto"

Ter wille van diegene wat dalk hierdie foto van my vir die eerste keer sien, die drie strepe op my hand is 'n "quippy motto" wat simbolies is van die derde van die wêreld se bevolking wat nie vrye toegang tot die Evangelie het nie. Digitale media is die enigste manier waarop die Evangelie by die meerderheid van hierdie deel van die wêreldbevolking kan uitkom. Ons glo dat die digitale eeu waarin ons leef deur God bestem is om Sy Kerk se afspraak met die nasies te volbring en dat Hy die Kerk wêreldwyd oproep tot betrokkenheid!

Wêreld Evangelisasie – Stert of Kop? 

Die vraag wat ek in my eie gemoed moes beantwoord was, wat is die stert, en wat is die kop? En is wêreld evangelisasie die stert, die kop, of die hond? 

Hiermee stel ek dan ook my nuutste artikel bekend: World Evangelization – Tail Or Head? In hierdie artikel antwoord ek in opsommende styl op die WhatsApp boodskap hierbo en beveel ek ook 'n hersiene boodskap aan. Dit is my versoek dat jy dit asseblief sal lees en sal help om hierdie artikel te versprei op jou sosiale media. (Die rede waarom ek in Engels skryf is omdat dit vir 'n internasionale gehoor bestem is. Maak gerus van Google Translate gebruik as jy in Afrikaans wil lees.)

Sal jy die oproep antwoord na die uiteindes van die aarde deur ons Patreon Vennootskap Projek?

Sal jy vyf broodjies en twee vissies per maand bydrae om 'n skare met die Evangelie te bereik? Jou maandelikse lidmaatskap van $5 (ongeveer R95), stuur 'n digitale sendeling uit wat ongeveer 1,000 mense per jaar met die Evangelie bereik. Volg die skakel.

Baie dankie

Belangrike skakels

Lees-meer skakels