Verstaan die Doel en Plan van God in die Eeue

Die video hierbo is ons mees populêre video, met meer as 67,000 ‘kyke’ tot op datum. Waarom is hierdie onderwerp so populêr? Hierdie onderwerp openbaar die antwoord op alle mense se diepste soeke, naamlik, wat is God se plan met my lewe?

Waarom is dit belangrik om te verstaan waarmee God besig is? Want as ons dit verstaan, weet ons waarmee óns primêr moet besig wees. As ons weet wat God se plan vir die wêreld is, weet ons wat God se plan met ons individueel is. 

Hand 1:8 is een van die bekendste, maar ook een van die verse in die Bybel wat die minste verstaan word. Han 1:8 is nie alleen 'n kosbare hemelse belofte vir elke kind van God nie, maar openbaar beide die doel van, en die voorwaarde vir die vervulling met die Heilige Gees; sowel as die plan van God met die Kerk. 

 God se plan en doel met die Kerk is om 'n Bruid en nageslag vir Sy Seun te verwek uit elke volk, stam en taal -- en so die weg te baan vir Jesus Christus se wederkoms. 

Dit was die primêre doel van die uitstorting van die Heilige Gees -- en dit is die doel van elke kind van God se redding. Die vraag is, is ek in die middelpunt van God se doel en plan vir my lewe?

So dra jy en ek die Evangelie die wêreld in deur YouTube

In nederige dankbaarheid teenoor ons Vader en die Here Jesus Christus, berig ons dat ons YouTube-kanaal die 300,000 besoeke-merk verbygesteek het. Die Here is besig is om vir my en jou en elke gebeds- en finansiële ondersteuner te gebruik om die Evangelie die wêreld in te stuur. Mag die Here elkeen van julle ryklik seën. Aan God al die eer! Maranata! 

Die Evangelie is die enigste antwoord vir 'n wêreld in nood!

        Hierbo is Projek KuberWêreld se nuutste video wat op YouTube gepubliseer is -- die vierde gedurende Augustus. Hierdie is nie 'n populêre onderwerp nie en ek verwag dat hierdie video minder aandag sal trek. 

        Die uitdaging op YouTube is om 'n konstante stroom van nuwe videos te kan publiseer. Dit voel somtyds vir mens of jy die einde van jou bronne en idees bereik het. Maar die Heilige Gees is getrou! 

        Die wonder van die Evangelie is dat die Evangelie nie in 'n aparte hokkie as die res van die lewe staan nie. Elke ding in die lewe se bron, bestaan, sowel as eindresultaat is gekoppel aan die Evangelie. Wanneer 'n mens hierdie waarheid verstaan, besef jy dat die Evangelie die een sentrale saak is waaroor die hele lewe gaan. Die Evangelie is nie slegs die bid van 'n sondaarsgebed nie -- dit begin slegs daar in die lewe van 'n verlore sondaar! 

        Hier is 'n voorbeeld. Ons land word geteister deur 'n algroterwordende monster van misdaad. Omgewings- en buurtwagte fokus al meer op veiligheid, en toenemende bronne (menslike, finansiële, sowel as tyd) word hierin geïnvesteer. Die fundamentele oplossing vir die probleem is egter die Evangelie. Wat sou gebeur wanneer dieselfde bronne -- menslike, finansiële, sowel as tyd -- in die uitdra van die Evangelie en gebed geïnvesteer word?  

        Hierdie selfde waarheid is van toepassing op elke ander gebied -- die politiek, die sakewêreld, noem dit maar op. Die rede waarom ek so onverskrokke in my uitsprake is, is omdat ek God se plan vir die wêreld verstaan soos hierbo genoem. Ek verstaan waarmee God in die wêreld besig is -- en die Evangelie staan sentraal in hierdie plan! Dit is 'n kwessie van fokus - 'n aardse of hemelse! 

         In verlede maand se nuusbrief het ons die Bybel se fokus vir die Christen behandel: “Soek eers die Koninkryk van God ..., en al hierdie dinge sal vir julle bygevoeg word ...” Die probleem van die Christendom van ons dag is dat ons dit nie regtig glo nie. Ons verkies 'n self-help evangelie -- 'God help hulle wat hulleself help.' Ons soek eers ons eie koninkryk en dinge, en wil dan die Koninkryk van God byvoeg. Dit is waarom die hele wêreld na bykans 2,000 jaar nog steeds nie bereik is met die Evangelie nie.

Projek KuberWêreld sal betrokkenes vergoed vir die advertensiekostes, dus behoort daar geen kostes vir deelnemers te wees nie. Vir meer inligting besoek gerus hierdie webbladsy. (Let wel dat Facebook se prosedures verander het sedert hierdie webblad gepubliseer is en sommige van die prosedures mag verouderd wees. Saam sal ons egter by die regte antwoorde uitkom.) As jy, jou bediening of gemeente beskikbaar is, kontak my asseblief by die eposadres hieronder.

Klim saam met ons op die trein na hierdie Een Ding

Sal jy saam met ons op die trein klim na die uiteindes van die wêreld? Sal jy deur gebed, digitale uitreiking, mobilisering, of finansiële ondersteuning betrokke raak by hierdie groot visie? 'n Gereelde maandelikse bydrae van so min as R100, kan soveel as 1,700 mense per jaar met die Evangelie bereik. Klik op die foto vir ons bankbesonderhede.

Baie dankie

Belangrike skakels

Lees-meer skakels